Garðatorg eignamiðlun kynnir. Góð eign í rólegum bæ á Spáni, innan við klukkutíma akstur frá Alicante og Valencia flugvelli. 

Bjart og mjög vel staðsett 300 m2 hús í miðbæ Cocentaina, í gamla bæjarhlutanum. Fimm hæða hús, þrjár fyrstu hæðirnar hafa verið endurnýjaðar að fullu og þakið er í fullkomnu ástandi (nýlega endurnýjað). Endurgerðin hefur verið vandlega unnin: allar pípulagnir, rafmagn ( tvær rafmagnstöflur) og frárennsli frá húsinu eru nýjar, allar innihurðir endurnýjaðar, nýjar gólflísar og parket, nýir hágæða gluggar (Kömmerling) með tvöföldu gleri og velti-og-snúningshurðum, ný mjög sterk öryggisútihurð. 

Gömul smáatriði hafa verið varðveitt, svo sem stiginn, sem er klassískur og gefur eigninni sjarma. Efstu tvær hæðirnar á eftir að endurnýja en búið er að samþykkja teikningar að breytingum sem sameina 4 og 5 hæðina í eina hæð með miklu loftrými (ca 5mtr) og aðgengi út á verönd með fallegu útsýni yfir gamla bæjarhlutann og turninn í Cocentaina.

300 m2 hús í hjarta Cocentaina
4 svefnherbergi
2 baðherbergi, bæði með sturtu
Verönd
Byggt árið 1946
Rafmagnshitun

Bærinn Cocentaina (11.500 íbúar) er mjög vel staðsettur rétt við A7 hraðbrautina sem liggur milli Alicante og Valencia.  Það tekur 40-50 mínútur að aka til Alicante ( 65 km) og rúman klukkutíma (100 km) að aka til Valencia.  Bærinn er rólegur sveitabær með öllu sem til þarf, súpermörkuðum (Carrefour-Mercadona ofl), verslunum, bensínstöðvum, læknastofum og sjúkrahúsi.  

Mikið af góðum veitingastöðum, m.a. L'Escaleta (2* Michelin).  Frábærar gönguleiðir út frá  bænum beint út í náttúruna en Cocentaina er frægt fyrir varðturninn sem setur mark sitt á  svæðið. Verðlag á svæðinu er mun betra en í borgunum í kring og fullt af ódýrum veitingahúsum og börum.

Upplýsingar veitir Ragnar G Þórðarson lögg. fasteignasali sími. 899 5901 eða [email protected]

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill því Garðatorg eignamiðlun skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.
Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila. (0.4% við fyrstu kaup einstaklinga).
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.700 af hverju skjali.
3. Lántökugjald lánastofnunar 
4. Umsýsluþóknun til fasteignasölu, sbr.kauptilboð